Қазақстандық әскери қызметшілер – бірінші кезеңнің қорытындылары бойынша Армия халықаралық ойындарында көшбасшылар қатарында

Ел аумағында уақытша әкелінген, салықты төлеуден босатылған көліктер көбейіп отыр

Он бір елдің 23 полигонында өтіп жатқан «Армия халықаралық ойындары – 2021» ширай түсуде. Ел Қарулы Күштерінің әскери қызметшілері конкурстың бірінші кезеңдерінің қорытындыларына сәйкес көшбасшылар қатарында, деп хабарлайды Қазақстан Республикасы Қорғаныс министрлігі.

Кабардино-Балқарияның «Терскол» полигонында өтіп жатқан «Эльбрус шеңбері» конкурсында әскери альпинистер үш арнайы тапсырманы орындады. Қатысушылар жеке және жасанды тау бедерінде байламдармен өрмелеуде, таулы жерлерде бағдарлауда бақ сынады. Үш арнайы тапсырманың нәтижесі бойынша ресейлік әскери қызметшілер көш бастап тұр. Қазақстандық әскери қызметшілер – екінші орында. Үшінші – Өзбекстан командасы.

Қазақстандағы «Мәтібұлақ» полигонында «Сұңқар аңшылығына» қатысатын ұшқышсыз ұшу аппараттарының алғашқы есептоптары бірінші кезеңнің жаттығуын орындады. Ұшқысзы ұшу аппараттарының операторлары әуе барлауын жүргізді. Тапсырманы үздік орындаған Қазақстанның әскери қызметшілері. Екінші орында – Беларусь әскери қызметшілері. Үшінші орында – Ресей.

Рязаньдағы «Сельцы» полигонында «Тактикалық мерген» конкурсының қатысушылары бірінші біліктілік кезеңін аяқтады. Осы кезеңде әскери қызметшілердің қаруды меңгеруі мен оны қауіпсіз қолдана білуі тексеріледі. Кезең нәтижелері бойынша ресейлік мергендер алда. Қазақстандық әскери қызметшілер – екінші орында, үшінші орында – Қытай.

Рязань облысындағы «Дубровичи» полигонында өтіп жатқан «Десанттық взвод» конкурсына қатысушылар взвод құрамында десант түсіру, қону алаңында жиналу және марш жасау тапсырмаларын орындап, бірінші конкурстық кезеңнен өтті. Басқалардан бұрын тапсырма орындап, алға Қытай командасы шықты. Нәтиже көрсеткіші бойынша екінші орынды Қазақстан командасы иеленді. Ресейлік десантшылар кезеңінің үздік үштігін тұйықтады.

Арменияда «Әлем жауынгері» конкурсына қатысушылар үшін жарыс бағдарламаның шығармашылық бөлігінен басталды. Бірінші кезеңнің қорытындысы бойынша байқауда «алаң иелері» көш бастап тұр.


Қазақстан – бұл кезеңде әзірге төртінші орында. Дегенмен әскери қызметшілердің кәсібилігін анықтайтын аса маңызды жарыстар әлі алда. Сондықтан қазақстандық команданың турнирдегі жағдайын жақсартуға барлық мүмкіндіктері бар.

Естеріңізге сала кетейік, Армия халықаралық ойындарында Қазақстан Қарулы Күштерінің командасы он бір конкурсқа қатысуда. Қазақстан аумағында екі байқау ұйымдастырылды. Олар «Сұңқар аңшылығы» және «Артиллериядан оқ ату шеберлері».

Дереккөз – @ Көшіру кезінде дереккөз сілтемесін пайдаланыңыз.