Елімізде той-томалақ тыйылар емес – Алексей Цой
Жергілікті атқарушы органдар мониторинг топтарының жұмысын күшейтуі қажет. Бұл туралы Үкімет отырысында ҚР Денсаулық сақтау министрі Алексей Цой мәлім етті, деп хабарлайды ҚазАқпарат тілшісі.
«Карантиндік іс-шаралардың қолданыста болуына қарамастан бірқатар өңірде көп адамның жиналуымен салтанатты іс-шаралар, үйлену тойларын, еске алу түскі асын беру тыйылмай отыр. Карантинді өрескел бұзу фактілері де анықталып жатыр. Осыған орай жергілікті атқарушы органдарға мониторинг топтарының жұмысын күшейтуді тапсыруыңызды өтінемін», — деді Алексей Цой Үкімет басшысы Асқар Маминге қарата.
Сонымен қатар ол елімізде «Ashyq» жобасына кеңінен тарту жұмыстарының жалғасып жатқанын айтты.
«Жобаға қатысушылардың саны 111 мыңнан асып жығылды. Олардың ішінде көшбасшылары – 921. Қолданушылар саны 4 млн-ға жетті. Күн сайын 400 мыңнан астам қазақстанда онлайн режимде өз мәртебесін тексереді», — деді министр.
Вам может быть интересно: «Названы продукты, вызывающие привыкание»
: Если вы обнаружили ошибку или опечатку, выделите фрагмент текста с
ошибкой и нажмите CTRL+Enter
