Алматыдағы Абай даңғылы Момышұлы көшесінен қаланың шекарасына дейін ұзартылмақ
Абай даңғылы 2021 жылы Момышұлы көшесінен Наурызбай ауданының әкімшілік орталығына дейін ұзаратын болады.
Бұл туралы Алматы әкімі Бақытжан Сағынтаев «Алматы» телеарнасындағы тікелей эфир барысында мәлім етті, деп хабарлайды ҚазАқпарат тілшісі.
Бақытжан Сағынтаевтың айтуынша, төрт жоба жүзеге асырылуда. Абай даңғылын Момышұлы көшесінен қала шекарасына дейін 4,8 шақырымға ұзартылады. Яссауи көшесінен Шұғыла шағынауданындағы Береке көшесіне дейінгі іске асуы тиіс учаскенің ұзындығы 3 шақырым.
Жоба бойынша 6 жолақты жолдың құрылысы қарастырылған – әр бағыт бойынша 3 жолақ, жаяу жүргіншілер тротуарлары, велосипед жолдары. Сонымен қатар, 4 жер үсті жаяу жүргіншілер өткелін салу қарастырылған.
Қазіргі кезде инженерлік желілерді қайта тарту, төрт жаяу жүргіншілер өткелін салу жұмыстары жүруде.
Сонымен бірге, құрылыс салынатын жерлердегі жер учаскелерін сатып алу жұмыстары жүргізілуде. Қазірдің өзінде 182 учаске сатып алынды, қалған 13 учаскені сатып алу пысықталуда. Аталған жер учаскелері уақтылы сатып алынса, онда жұмысты ағымдағы жылдың соңына дейін аяқтау көзделген.
Строительная көшесінен қала шекарасына дейінгі ұзындығы 600 метр болатын учаскедегі жұмыс 2023 жылдың соңына дейін аяқталады. Жолдың қалалық шекарадан Үлкен Алматы айналма автожолына дейінгі бөлігін Алматы облысының әкімдігі 2023 жылдың соңына дейін де жүзеге асырады. Бұдан өзге, ұзындығы 500 метр болатын Момышұлы көшесінен Яссауи көшесіне дейінгі учаскедегі жұмыс метрополитеннің екінші кезеңіндегі «Достық» бекетінің құрылысы аясында жүзеге асырылады.
Осылайша, биылғы жылдың соңына дейін Абай даңғылы Момышұлы көшесінен Наурызбай ауданының әкімшілік орталығына дейін ұзаратын болады.
Саин көшесін Рысқұлов даңғылынан Мөңке би көшесіне дейін 3,2 шақырымға ұзарту жоспарланған. Жоба бойынша 6 жолақты жолдың құрылысы, әр бағытта 3 жолақ, жаяу жүргіншілер тротуарлары, велосипед жолдары және жаяу жүргіншілер өткелдері қарастырылған.
Көшенің осы бөлігінің құрылысы жолайрығымен қоса алғанда Алатау ауданының шағын аудандары мен қала маңындағы елді мекендерді қаланың негізгі магистральдарымен байланыстырады және маңызды көлік дәлізін жасайды.
Наурызбай ауданындағы Алатау көшесі көшесі Сабденов көшесінен Райымбек даңғылына дейі созылады, ұзындығы – 2 шақырым. Жоба бойынша 4 жолақты жол қарастырылған. Жұмыс қыркүйек айына дейін толық аяқталады.
Осы учаске құрылысының аяқталуы Абай даңғылын үңгілеумен бірге Наурызбай ауданынының орталығын қаланың негізгі коммуникацияларымен байланыстыруға мүмкіндік береді.
Әуезов көшесін солтүстік бағытта Гоголь көшесінен Райымбек даңғылына дейін үңгілеу қаланы дамытудың бас жоспарында қарастырылған. Әуезов көшесіндегі учаске құрылысы 4 жолақты. Бұл Солтүстік-Оңтүстік бағытында көлік өткізу қабілетін едәуір арттырады.
Жаңа учаскенің көлік өткізу қабілеті тәулігіне шамамен 36 мың көлікті құрайды, бұл көрші көшелердегі жүктемені едәуір жеңілдетеді.
Вам может быть интересно: «Пандемия коронавируса усилила неравенство в мире, заявил Макрон»
: Если вы обнаружили ошибку или опечатку, выделите фрагмент текста с
ошибкой и нажмите CTRL+Enter
